Cultura
Presentacion dera tèsi sus es glèises deth prumèr romanic dera Val d'Aran
26/09/2017
Eth passat diuendres auec lòc era defensa dera tèsi "Estudi des glèises en cornaenclinc de vòutes escarramingades”, un trebalh fòrça important sus es glèises deth prumèr romanic dera Val d'Aran, qu'hè enfasi e explique aguestes construccions lèu sense angles rectes, estant lèu toti aguts o obtusi (d’aquiu era paraula cornaenclinc), e de vòutes escarramingades, ei a díder, dubèrtes degut ara fòrça des vectors de possament des vòutes bastides de forma posterior as charpantes sus es parets.
Era tèsi siguec liejuda e defensada peth professor e arquitècte dera Escòla Superior d’Arquitectura dera Universitat Rovira e Virgili, Sergio Coll Plà, e codirigida peth Dr. Josep Lluís e Ginovart, Dean of School of Architecture of UIC Barcelona, e eth Dr. Agustí Costa i Jover (Professor e investigador dera Escòla d’Arquitectura dera Universitat Rovira e Virgili).
"Estudi des glèises en cornaenclinc de vòutes escarramingades” ei sonque ua petita part deth gran trebalh qu'an realizat pendent sies ans es Escòles Superiors d’Arquitectura dera Universitat Rovira i Virgili e Internacional de Catalunya, amassa damb er Arquevescat d’Urgelh, era Glèisa Aranesa, eth Departament de Cultura e Patrimòni e es Servicis Tecnics deth Conselh Generau d’Aran, damb uns auti collaboradors que s’an anant higent a trauèrs deth temps ath projècte.
Pendent era presentacion i auec ua grana afluéncia de public, entre es quaus se trapauen eth Vicari Generau deth Bisbat d’Urgelh, Mossen Josep Maria Mauri, e er Archiprèst dera Val d’Aran, Mossen Pere Balagué, ath delà deth Vicesindic d’Aran, Luís Carlos Medina, qu'arregraïc era disposicion e coratge qu’ agut era Universitat entà portar un acte tan important e simbòlic ara Val d’Aran, gessent dera madeisha universitat.
En nòm deth Govèrn d’Aran, eth Vicesindic restaquèc era qualitat excèlsa d’aguesta òbra, en tot reconéisher era importància qu'a entà bastir eth nòste expedient entà demanar en quauque moment ara UNESCO qu’era Val d’Aran sigue declarada Patrimòni dera Umanitat, un projècte en quau trebalhe eth Conselh Generau d’Aran en collaboracion der Institut d’ Estudis Ilerdencs e era Deputacion de Lhèida.
Eth tribunau d'aguesta tèsi estaue format peth Dr. Joaquín Ruiz de Arbulo Bayona (Catedratic d’Arqueologia de Grècia e Roma dera Universitat Rovira e Virgili), eth Dr. Albert Samper Sosa (Investigador e professor de geometria dera Escòla d’Arquitectura dera Universitat Rovira e Virgili) e eth Dr. Pedro Casariego Vals (Sosdirector School of Architecture of UIC Barcelona).
IMATGE: CONSELH GENERAU D'ARAN
Era tèsi siguec liejuda e defensada peth professor e arquitècte dera Escòla Superior d’Arquitectura dera Universitat Rovira e Virgili, Sergio Coll Plà, e codirigida peth Dr. Josep Lluís e Ginovart, Dean of School of Architecture of UIC Barcelona, e eth Dr. Agustí Costa i Jover (Professor e investigador dera Escòla d’Arquitectura dera Universitat Rovira e Virgili).
"Estudi des glèises en cornaenclinc de vòutes escarramingades” ei sonque ua petita part deth gran trebalh qu'an realizat pendent sies ans es Escòles Superiors d’Arquitectura dera Universitat Rovira i Virgili e Internacional de Catalunya, amassa damb er Arquevescat d’Urgelh, era Glèisa Aranesa, eth Departament de Cultura e Patrimòni e es Servicis Tecnics deth Conselh Generau d’Aran, damb uns auti collaboradors que s’an anant higent a trauèrs deth temps ath projècte.
Pendent era presentacion i auec ua grana afluéncia de public, entre es quaus se trapauen eth Vicari Generau deth Bisbat d’Urgelh, Mossen Josep Maria Mauri, e er Archiprèst dera Val d’Aran, Mossen Pere Balagué, ath delà deth Vicesindic d’Aran, Luís Carlos Medina, qu'arregraïc era disposicion e coratge qu’ agut era Universitat entà portar un acte tan important e simbòlic ara Val d’Aran, gessent dera madeisha universitat.
En nòm deth Govèrn d’Aran, eth Vicesindic restaquèc era qualitat excèlsa d’aguesta òbra, en tot reconéisher era importància qu'a entà bastir eth nòste expedient entà demanar en quauque moment ara UNESCO qu’era Val d’Aran sigue declarada Patrimòni dera Umanitat, un projècte en quau trebalhe eth Conselh Generau d’Aran en collaboracion der Institut d’ Estudis Ilerdencs e era Deputacion de Lhèida.
Eth tribunau d'aguesta tèsi estaue format peth Dr. Joaquín Ruiz de Arbulo Bayona (Catedratic d’Arqueologia de Grècia e Roma dera Universitat Rovira e Virgili), eth Dr. Albert Samper Sosa (Investigador e professor de geometria dera Escòla d’Arquitectura dera Universitat Rovira e Virgili) e eth Dr. Pedro Casariego Vals (Sosdirector School of Architecture of UIC Barcelona).
IMATGE: CONSELH GENERAU D'ARAN
Clara Villar