Presentadi es Gòis a Sant Ròc de Vilamòs ena UdL

16/07/2017

Era lètra a estat creada per Jèp de Montoya e era musica per Jaume Masana (Castèth)

Pendent aguest dissabte s'an presentat ena Universitat de Lhèida es "Gòis a Sant Ròc de Vilamòs". Aguesti gòis se compausen d'ua vessant literària e ua de musica. Era lètra des gòis a estat escrita per escrivan e istoriador aranés, Jèp de Montoya. Mentre qu'era musica a estat dessenhada peth cantaire Jaume Masana "Castèth".

Ena Val d'Aran i a diuèrsi pòbles qu'encara mantien viua era tradicion des Gòis, mès en Vilamòs s'auie perdut. Ei per açò, qu'eth grop de musica aranés de Vilamòs, Es Paums, decidic crear-les coma responsa ara demana que li hec er ajuntament de Vilamòs.

Aguesta composicion ei formada per uèit estròfes mès introduccion e tornada en vèrsi eptasillabs entièraments en aranés.

Es Gòis s'an editat en ua bèla lamina artistica en edicion limitada e numerada que se liurèc as assistents ara presentacion e que conten era letra, era musica e ua òrla damb motius dera flòra, fauna e istòria dera Val d’Aran.

Aguesti Gòis, acabadi de presentar, dejà se poderàn conéisher e cantar enes pròplèus hèstes majors de Vilamòs. Concretaments, ena jornada deth 16 d'agost, pendent era celebracion dera missa ena glèisa de Santa Maria. 
Manu Moga