Er Ajuntament de Naut Aran a regalat a toti es alumnes des escòles deth municipi samarretes deth Taro d'Arties damb motiu deth dusau aniversari dera sua proclamacion coma Patrimòni Immateriau dera Umanitat.

Damb aguest acte se demore qu'es petits vagen aquerint informacion sus era sua cultura e es sues tradicions e costums. 

Tanben se convidèc a Jesús Rodríguez a dar ua conferéncia sus çò que signifique eth Taro entath pòble d'Arties e perque aguesta proclamacion a tanta importància. 

Sus era proclamacion dera UNESCO, eth baile der Ajuntament de Naut Aran, Cesar Ruiz-Canela, manifestèc qu'eth "merit ei de toti es nòstes ancessors, bailes, comissions d'hèstes e vesins per auer sabut conservar aguesta tradicion".

IMATGE: AJUNTAMENT NAUT ARAN