Dejà s'apròpe ua naua edicion dera tradicionau hèira "Hèt a man, hèt aciu", que cerque promòir es mestieraus a productes aranesi e qu'aurà lòc en Passeig dera Libertat de Vielha pendent es dies 17, 18, 19 e 20 d'agost de 10:30 a 14:30 e de 16:30 a 21:00 ores. 

Aguesta hèira ei organizada peth Conselh Generau d'Aran en collaboracion damb era collaboracion dera Deputacion de Lhèida, er Ajuntament de Vielha e Mijaran, era Associacion de Mestierau e Artistes dera Val d’Aran, productors dera mèrca de gatge “Productes dera Val d’Aran” e dera Associacion de Cases de Pagés dera Val d’Aran.

Segontes era conselhèra de Torisme, Anna Díaz,"damb aguesta hèira, que ja ei tradicionau en ostiu dera Val d’Aran, volem dar a conéisher, tant as aranesi coma ara gent que mos visite, es diferenti sectors artesanaus dera man des sòns productors que son representants d’ua importanta activitat deth comèrç locau”.

Mès enlà de poder hèr-se damb es diferents productes que se venen enes estands, es visitants poderàn apuntar-se as diferents talhèrs e demostracions qu'auràn lòc pendent diuendres, dissabte e dimenge. Aciu auetz era programacion d'aguesti talhèrs: 

Diuendres 18

11:30- 13:00 ores- Pinta-te era cara, a cargue de Kris Nart
17:00- 18:30 ores- Hèm ua targeta suspresa!, a cargue d'Alicia Mitjans
17:00- 18:30 ores- Talhèr de bombes e saus de banh, a cargue de Sabons Careça
19:00- 20:30 ores- Talhèr de parpalhòles, a cargue de Verd e Blu

Dissabte 19

17:00- 18:30 ores- Elabòra era tua pasta de dents, a cargue deth Jardin des hades
17:00- 18:30 ores- Doci sense horn, a cargue de La Guinda Vielha
19:00- 20:30 ores- Decòra e pinta era tua caisheta, a cargue d'Olga Zubatii
19:00- 20:30 ores- Degustacion de vins, a cargue de Cava Beso

Dimenge 20

11:30- 13:00 ores- Talhèr de reciclatge, a cargue de Dwayna Artesania
16:30- 18:30 ores- Demostracion elaboracion pèça d'esmalt ath huec
17:00- 18:30 ores- Recicl-Arte, a cargue de Baobab Artesanía
17:00- 18:30 ores- Dessenha es tòns penjòls de husta, a cargue de Nagore Alcantar