Visites teatralizades en Çò de Joanchiquet de Vilamòs pendent aguest ostiu

20/07/2017

Eth personatge de Rufina Monge aproparà as visitaires a totes es parts d'aguest auviatge tipic dera Val d'Aran

Er Ecomusèu Çò de Joanchiquet de Vilamòs inície aguest ostiu ua naua actiuetat entà atrèir era preséncia de naui visitaires. Se tracte de visites teatralizades ara casa-musèu, damb era figura de Rufina Monge, un personatge que recree ua hemna que viuec en aguesta casa pendent es sègles XVII e XVIII. Damb era, es visitaires hèn un recorregut per ua casa tipica dera Val d’Aran d’aguesta epòca, en tot conéisher es istòries que se generauen ena vida vidanta.

Era casa de Joanchiquet siguec tanplan importanta ena Val d’Aran pendent aguesti sègles pr’amor qu’aueren diuèrsi Síndics d’Aran e conselhèrs deth Conselh Generau d’Aran. Des deth hilat de Musèus dera Val d’Aran vòlen qu’aguest equipament sigue un des atractius principaus d’aguest ostiu.

Ath delà des teatralizacions, en Joanchiquet se mantien es visites guidades cada dimars tà meddia de manèra gratuïta en tot abonar eth prètz dera entrada. Entà complementar era aufèrta culturau, ath long der ostiu tanben s’aufrís ua visita as principaus glèises e musèus deth territòri, atau coma diuèrsi talhèrs familhaus.

Manu Moga