Eth Conselh Generau d'Aran, a trauès deth departament de Cultura e Politica Lingüistica, a tornat a méter en foncionament eth programa "Volontariat per aranés".

Aguest programa va destinat as persones qu'an coneishements basics d'aranés mès que non s'ausen a parlar-lo, e a coma objectiu facilitar que poguen trobar-se damb persones que lo parlen de manèra abituau e qu'atau s'animen mès a parlar era lengua. 

Eth "Voluntariat per aranés" vò facilitar un espaci de comunicacion a on era persona que domine ara perfeccion era lengua e la parle de manèra abituau ajude a aqueri que la coneishen mès no la parlen a lançar-se e a aquerir fluidesa.

Se tracte donques, de méter eth contacte a dus volontaris (eth que lo parle abituauments damb eth que vò aquerir seguretat ara ora de parlar-lo) entà que se tròben a on melhor les semble entà parlar aranés, de manèra absoludaments desinteresada, aumens pendent dètz ores (ua ora ara setmana pendent dètz setmanes). Ua forma de socializar e ajudar a hèr créisher er aranés. 

Trobaratz tota era informacion sus eth "Volontariat per aranés" ena web deth Conselh o picant ath numerò 973 64 18 01