Deman, Era Audiovisuau acuelh er acte "Volem Votar"

29/08/2017

Deman, dia 30 d'agost se celebrarà ena sala Era Audiovisusu de Vielha tàs 19:00 ores, un acte entà defensar eth Manifèst de Les, un document format per un totau de 10 punts en quau se da supòrt ath procés d'autodeterminacion de Catalonha.

En aguest acte, es 10 signants deth Manifèst (representants politics d'UA, CDA, era CUP, Podem e ANC) aprofitaràn entà defener-lo mès tanben entà resòlver toti es dubtes que pogue auer era ciutadania en relacion ar 1-O

Segontes er Assessor dera Generalitat en ahèrs relacionats damb era Val d'Aran, Alex Mogavòlen que sigue un acte molt participatiu, dubèrt a tot eth mon e a on es aranesi se poguen expressar damb totau libertat. Se cerque apropar eth maxim d'informacion possible sus aguest procés as assistents

Pendent aguest acte, toti es interessats e interessades se poderàn aderir ath Manifèst de Les de manèra presencial, mès tanben se pòt signar online en quinsevolh moment des d'aguesta web.

Eth Manifèstdemane "damb tota fermetat" as bailes e representants institucionaus d'Aran que "daurisquen damb normalitat es collègis electoraus er 1 d'octubre entà permeter-mos, coma ciutadans de Catalonha, expressar liuraments eth nòste parèr sus eth futur de Catalonha".

En aguest document, es 10 signants asseguren que se trapen totauments implicats en procés, mès exigissen as catalans acatar es resultats deth referendum en Aran: "cau èster conseqüents damb es nòsti principis mès tanben demanam ara societat catalana qu'escote eth resultat der 1 d'octubre ena Val d'Aran", atau ac afirme Moga en declaracions a La Vanguardia.
Clara Villar