Era Val d’aran torne a èster presenta en ua naua edicion dera Hèira Internacionau de Torisme que se celèbre en recinte dera Feria de Madrid.Enguan, FITUR, qu’a lòc deth 17 ath 21 de gèr, artenh era 38au edicion e ei er emplaçament de trobada globau entàs professionaus deth torisme. Era Val d’Aran participe damb un stand laguens de Catalonha, e aurà amassades damb touroperadors e periodistes de desparièrs parts deth mon. Ua hita ena quau ei plan importanta era preséncia deth país.

Enguan, FITUR, aucuparà 65500 m2 (un 4% mès qu'en 2017), supere es 10.000 entepreses participaires de 165 païsi e regions, en tot auer un totau de 816 expositors titolars. Açò represente un aument globau deth 8%, a on destaque er aument dera participacion internacionau que represente eth 54% deth totau. 

Era Val d’Aran hè part de FITUR a on a representacion institucionau mès tanben de desparières empreses deth territòri que vòlen profitar era escasença entà promòir eth torisme dera Val d’Aran pendent es 365 dies der an.



IMATGE: Representacion de Foment Torisme Val d'Aran e Baqueira-Beret en FITUR