Pendent es tres prumères setmanes deth mes de junhsèga, eth parc d’aventures Deportur de Les a acuelhut era 2au edicion deth Camp Tecnologic enes sues installacions.Un campament d’ostiu basat en aprenentatge de diuèrsi coneishements restacadi damb era tecnologia, a on er anglés a estat un hiu conductor e entorat en un marc incomparable a on es alumnes an podut realizar tot tipe d’actiuetats ena natura. Aguesta 2au edicion deth campament a artenhut ua quarantia d’alumnes pendent cada setmana, arribadi de desparièrs parçans der Estat. Es alumnes deth campament auien entre 10 e 18 ans e se dividien en 3 airaus.

Es alumnes compdauen damb un professor d’anglés damb eth quau aprenien toti es coneishements de besonh sus es leçons tecnologiques adaptades a cada airau. Un element centrau, pr’amor qu’auien de presentar un resum de tot çò aprenut en aguesta lengua.

E, fin finau, entà complementar tot aguest aprenenatge, era natura artenhie ua importància clau. Naturaran, damb un pialèr d’actiuetats en madeish centre se compaginaue damb partides de paintball, ràfting e era escalada ara via herrada de Cledes. Un conjunt d’actiuetats ar aire liure qu’a beneficiat qu’es alumnes deth campament agen profitat eth sojorn en aguestes installacions, en tot plaçar-se coma eth campament mès auançat laguens dera formula deth Camp Tecnologic.