Gran exit de participacion ena 1èra edicion dera Trail Vielha-Molières qu’a agut lòc aguest dissabte en municipi de Vielha e Mijaran. Entàs 06:30 deth maitin gessien deuant der Ajuntament municipau, es més de 300 inscrits ena maraton de 40 kms qu’auie d’amiar-les enquia Molières, en tot passar pera Artiga de Lin. E, entàs 9 deth maitin, gessien es dera mieja maraton de 21 kms, qu’auie eth Tuc de Montpius coma era dificultat mès fòrta dera corsa. En totau, mès de 700 corredors ena estrea d’aguesta naua trail dera Val d’Aran.

Ena Maraton, eth barcelonés Nil Barcadit a estat eth guanhador ena categoria masculina damb un temps de 6 ores, 25 menutes e 21 segons. Eth pòdi a estat completat per Josep Cuadrat qu’a arribat a 38 segons deth guanhador, e peth guispucoà Asier Alonso.

Ena categoria femenina, era corredora de Palhars Jussà, Marta Riba, a guanhat era pròva damb 7 ores, 36 menutes e 1 segon. Eth pòdi l’an completat era andalusa Sofia Garcia, e era barcelonesa Núria Ferrer.

Ena mietja maraton, es guanhadors an estat eth madrilenh Antonio Alcalde e era corredora de Ciudad Real, Gemma Arenas. Aciu cau remercar era 3au posicion dera aranesa Marta Céster, milhor corredora locau en aguesta pròva.

Mès, s’a de reconéisher er esfòrç de toti es participaires, pr’amor qu’era corsaa ère fòrça dura, e ena sua estrea a estat un exit, e es corredors an avalorat fòrça positiuaments eth recorregut. Atau, que de ben segur, traparam fòrça mès edicions d’aguesta trail de Molières.