Eth municipi de Vielha e Mijaran, plaçat en miei deth país, comprèn eth cap-lòc aranés, Vielha, e tanben es pòbles d’Arròs, Aubèrt, Betlan, Betren, Casarilh, Casau, Escunhau, Gausac, Mont, Montcorbau, Vila e Vilac.

Damb lèu 5.500 vesins e vesies, Vielha e Mijaran se postule coma eth municipi mès poblat de tota era Val d’Aran.

Enes pròplèus eleccionses abitants de Vielha e Mijaran son cridadi as urnes entà escuélher 13 còssos entà 4 ans. Enes darrères eleccions, eth grop politic d’Unitat d’Aran artenhec 7 còssos Convergéncia democratica Aranesa 5 còssòs e Ciutadans, un.  

Enguan, era actuau baile, Juan Antonio Serrano, d’Unitat d’Aran, se presente ara reeleccion.

Pera sua part, Pau Perdices enteste era lista de CDA.

Er aute partit politic damb representacion en consistòri, Ciutadans, apòste per Antonio Escuin tara alcaldia deth municipi.

Ath delà, tanben se presenten autes formacions politiques entar Ajuntament de Vielha e Mijaran.

Per Amassa, enteste era candidatura Julián Fernández. Pera sua part, eth Partit Popular s’i presente damb Santiago Gimeno coma candidat tara alcaldia.

Podemos apòste per Ricardo Pena coma numerò un ena lista. Fin finau, ena candidatura de Vox qui se trape ath front ei Alejandra Roig.

Ara cau demorar enquiath pròplèu dimenge 26 de mai tà descorbir coma quedarà era naua composicion deth Plen der Ajuntament de Vielha e Mijaran.