Acòrd de collaboracion d'OcSTEM Solutions damb era esquiaira gironina Núria Pau

22/07/2017

Era start-up aranesa aplicarà metodologies STEM enes entrenaments e competicions dera esportista gironina

Aguest passat 21 de junhsèga se signèc er acòrd de collaboracion entre era start-up aranesa, OcSTEM Solutions, e era esquiaira d'aupin, Núria Pau, campiona d'Espanha ena modalitat de gigant.Aguest acòrd supausarà era implementacion de metodologies STEM enes entrenaments e competicions qu'amiarà a tèrme era gironina a compdar d'ara. Aguestes metodologies s'apliquen entara milhora constanta der esportista, esvitar risqui de lesion e premanir es competicions damb era màger quantitat d'informacion possible. En acte celebrat en cluster d'innovacion toristica e esportiva d'Osona, Osoning, eth project manager d'OcSTEM Solutions, Jacint Berengueras, comentaue qu'"aguest acòrd de collaboracion assolide era preséncia d'OcSTEM Solutions ena nauta competicion des espòrts d'iuèrn". Cau rebrembar qu'aguesta enterpresa dejà auie establit un convèni de collaboracion damb era esquiaira de hons aranesa, Lydia Iglesias, campiona d'Espanha d'aguesta modalitat U20. 

Pera sua part, Núria Pau, qu'a compdar d'ara serà brand ambassador d'OcSTEM Solutions, confirme "era importància d'aguest tipe de collaboracion basat ena introduccion des tecnologies TIC (big data analytics e IoT), en tot pensar qu'ei clau en espòrt d'elèit. En mèn cas, de ben segur que m'ajudarà entà cercar ua plaça enes pròplèus Jòcs Olimpics de Pyeongchang (Corèa deth Sud)".


Manu Moga