A compdar d’aguesta dimenjada, era estacion de Baqueira-Beret aurà es tres sectors duberti ath public: Baqueira, Beret e Bonaigua aufriràn en totau 75 kms de pistes esquiables, de manèra qu’era estacion se trape ja ath 50% en foncionament dera totalitat de pistes disponibles.

Aguesta decision preten respóner a ua nauta demanda d’esquiaires que ja comencen a apropar-se ara Val d’Aran, e ara disponibilitat de nhèu naua enes diuèrsi sectors dera estacion. Atau, pendent es pròplèus dies i aurà un totau de 31 remontadors e 49 pistes disponibles entàs esquiaires.

Ara madeish, es celhs de nhèu de què dispause Baqueira son de 20 centimetres ena còta 1800 e enquia 50 ena còta 2500. Eth prètz deth forfait des d’aguesta dimenjada ja ei er abituau: 51,50€ entàs adults e 34€ eth prètz infantil.