Era Deputacion de Lhèida a presentat era campanha de nhèu dera sason 2017-18. Ua des estacions que mès lèu s’a metut en foncionament ei Baqueira-Beret, eth passat 18 de noveme, mentre qu’era rèsta d’estacions demoren daurir pendent aguesta pròplèu dimenjada. D’aute biais, es estacions d’esqui nordic demoraràn ath pònt de deseme. Er objectiu des 11 estacions dera província de Lhèida ei arribar a véner 1 milion 330 mil forfaits, en tot aumentar un 4% respècte ar an anterior. Enguan, eth conjunt d’estacions a invertit mès de 13 milions d’èuros ena milhora des pistes e des accèssi. Tot çò de besonh entà qu’er impacte sigue çò de mès fòrt possible. Er an passat, er esquí botgèc 367 milions d’èuros.

Es 11 estacions genèren 2.150 lòcs de trabalh dirèctes. Damb era arribada de naui vòls en aeropòrt d’Alguaire se sajarà qu’es naui visitaires demoren ena província de Lhèida, en compdes d’anar majoritàriaments tà Andòrra.

En tot coincidir damb aguest inici, era Deputacion encete era campanha “Viu la neu al Pirineu” ara que destine 400.000 èuros tà promòir era sason. Er objectiu ei posicionar era aufèrta d'esquí deth Pirenèu, mès tanben era rèsta d'actiuetats restacades damb era nhèu e era natura. Per açò, tanben s'a convocat un concors de fotografia a trauès de Twitter e Instagram.