Er aupinista Òscar Cadiach, naturau de Tarragona, serà arrecebut ena Val d'Aran peth Sindic d'Aran, Carlos Barrera, e era Conselhèra de Torisme, Anna Díaz,eth pròplèu deluns, 4 de seteme, dempús d'auer coronat era cresta deth Broad Peak e convertir-se en prumèr catalan en hèr es 14 uet mils sense oxigèn.

Eth catalan a hèt istòria en mon der aupinisme en convertir-se en un des 20 alpinistes de tot eth mon qu'an completat es 14×8.000 sense oxigèn.

Cadiach, que compdèc damb eth supòrt de Torisme Val d’Aran en aguesta expedicion, assegurèc que ua des prumères causes que harie en tornar a casa serie visitar era Val d’Aran e era sedença deth Conselh Generau d’Aran, en arregraïment ath supòrt arrecebut entà completar era pujada deth darrèr ueit mil.

Er acte de reconeishement ar aupinista, ath que tanben assistiràn es membres deth conselh tecnic de Torisme Val d’Aran, debanarà ena Sala de Premsa deth Conselh Generau d’Aran, eth dimars, 4 de seteme, tàs 12 ores. Pendent er acte se visualizaràn fotografies des 14 pujades as 8.000 e se poderà veir eth vidèo enregistrat dera arribada ena cresta deth Broad Peak eth passat 27 de junhsèga.