Era start-up aranesa, OcStem Solutions, dedicada ath sector tecnologic orientat ar analisis de donades e IoT, a arribat a un acòrd damb era esquiaira Núria Pau Romeu, actuau campiona nacionau de gigant, sub-campiona de slalom e milhor esportista dera especialitat en Espanha per punts FIS. 

Aguest acòrd permeterà utilizar metodologies e tecniques de big data en esquí alpin, ua iniciatiua cabecièra a nivèu mondiau e qu'a coma principau objectiu hèr a servir (tant en entrenaments coma en competicions) metodologies STEM entara milhora constant dera esportista, mès tanben entà evitar lesions e premanir es competicions damb era major quantitat de informacion possible.

Núria Pau ei era dusau esportista de naut nivèu que collabòre damb aguesta cabecièra enterpresa, rebrembam qu'era esquiaira de hons aranesa, Lydia Iglesias, dejà ac hè des dera tempsada passada. 

IMATGE: TWITTER OFICIAU DE NÚRIA PAU