Era Val d'Aran a acuelhut ua naua pròva esportiua pendent aguesta setmana. En aguest sens, era corsa ciclotorista Campilaro a agut un doble protagonisme en territòri. D'un biais, deluns 24 de junhsèga, era 3au estapa d'aguesta competicion gessie de Luishon, entraue ena Val d'Aran peth Pòrt deth Portilhon, e un viatge hèt eth descens enquia Bossòst era arribada ère plaçada en Pòrt dera Bonaigua en tot completar 79,5 kms. Dimars 25 de junhsèga, era corsa gessie de Vielha en direccion a Saint-Lary Soulan, dempús de tornar a pujar eth Pòrt deth Portilhon entà hèr un totau de 108 kms. 

Fin finau, eth francés Emmanuel Hollebeke a estat eth guanhador d'aguesta Campilaro 2017, damb un totau de 4 estapes (3 de nauta montanha e 1 de sprint) e un totau de 350 kms.




IMATGE: Pòrt dera Bonaigua (Facebook Campilaro)