Eth Curling ei un espòrt minoritari, damb pòqui practicants, mès que compde damb exemples exitosi en casa nòsta. Aguest ei eth cas deth Club Curling Val d’Aran, ua equipa que sonque a un an de vida, e que damb pòqui recorsi, aguesta sason a obtengut grani resultats esportius.

10 practicants, dividits en ua equipa masculina e ua femenina, que pendent totes es setmanes s’entrenen enes installacions deth Palai de Geu de Vielha. Ei ua pràctica tanplan minoritària, mès que dejà s’a vist recompensat gràcies ara constància des sòns jogadors, sustot, en tot tier en compde era dificultat ara ora de pagar es sòns desplaçaments.

Damb totes es dificultats que supause un espòrt minoritari, era equipa aranesa de curling dejà a artenhut exits notables, coma ei er ascens ara prumèra division, un podi ena Copa d’Espanya e era victòria ena Liga Catalana. Un exemple de constància, que dejà comence a auer eth sòn reconeishement ena Val d’Aran.