Naues actiuetats de Curling entara pròplèu tardor e er iuèrn

05/09/2017

Prumèr Bonspiel 24 ores de Vielha, era Liga Catalana e eth Campionat d'Espanha coma grani reclams

Eth Club Curling Val d’Aran a presentat es naues actiuetats d’aguest espòrt entara pròplèu tardor e er iuèrn. Prumèraments, deth 29 de seteme ar 1 d’octobre eth Palai de Gèu de Vielha acuelherà era celebracion deth prumèr Bonspiel 24 ores de Vielha, ua competicion que tanben supausarà ua nauetat important en aguest format en tot er Estat.

Posterioraments, es dies 28 e 29 d’octobre se celebrarà era prumèra jornada dera Liga Catalana de Curling e fin finau deth 2 ath 4 de hereuèr, Vielha acuelherà eth Campionat d’Espanha dera 2au Division Maculina. En sòn conjunt, parlam d’ua aufèrta esportiua tanplan vasta entà promòir un espòrt minoritari mès que dejà amie fòrça boni resultats enes darrères sasons.

Totes aguestes competicions permeteràn veir as melhores equipes estataus de Curling ena Val d’Aran, a on tanben i participaràn es equipes araneses, en tot lutar per obtier grani resultats en cada eveniment.

Manu Moga