Òscar Cadiach a estat arrecebut peth Conselh Generau d'Aran

04/09/2017

Damb 64 ans ei er aupiniste mès gran en pujar un 8.000

Er aupiniste catalan Òscar Cadiach qu’eth passat mes de Junhsèga artenhèc era hita de coronar eth darrèr des catorze 8.000 qu’encara li mancaue, eth Broad Peak, a estat recebut peth govèrn d’Aran ena sedença deth Conselh Generau d’Aran. Cadiach compdèc damb era esponsorizacion de Torisme Val d’Aran ena sua darrèra expedicion, e a compartit damb eth territòri era sua viuença.

Dempús d’auer renonciat un viatge ar objectiu, eth passat 27 de junhsèga Cadiach artenhèc coronar era darrèra montanha que li mancaue peth dessús des 8.000 mètres. Pendent era recepcion er aupiniste mostrèc imatges que commemòren aguesta hita. Cadiach ei un aupinista que se considère amant dera Val d’Aran e dera sua natura.

Cadiach damb 64 ans ei er aupiniste de mès edat en coronar ua des montanhes mès anautes deth mon. 32 ans dempús d’auer coronat eth sòn prumèr 8.000, er Everest, a barrat eth cicle en tot cercar a compdar d’ara naui rèptes.

Manu Moga