Presentacion dera 12au Pedals de Foc Non Stop qu'aurà lòc deth 30 de junh ath 2 de junhsèga

15/06/2017

Enguan, aguesta corsa de BTT supause eth 1èr Campionat d'Euròpa MTB Ultramarathon

Eth proplèu 30 de junh arrinque en Vielha ua naua edicion dera Pedals de Foc Non Stop. Ua des pròves de BTT mès dures que se realizen en Catalonha e que trauèsse era Val d’Aran, era Alta Ribagorça, eth Pallars Sobirà e eth Pallars Jussà damb 213 quilomètres e 6200 mètres de desnivèu positiu. Enguan, en tot coincidir damb era 12au edició d’aguest eveniment, era competicion estree coma grana nauetat, era qualificacion de 1èr Campionat d’Euròpa de MTB Ultramarathon. Un qualificatiu que hè créisher aguesta corsa, qu’enquiar an passat tanben supausaue eth Campionat d’Espanya dera modalitat.

 

Se demore era participacion de corredors arribadi de 52 païsi, de manèra que des dera organizacion calculen que mès de 800 ciclistes preneràn part d’aguesta mitica corsa que se dispute deth 30 de junh ath 2 de junhsèga. Ua grana competicion esportiva, que servís tanben coma reclam torístic des comarques deth Pirenèu de Lhèida.

Manu Moga