Jornada tranquilla pendent era celebracion dera 2au estapa deth Tour d'Eslovàquia.En ua jornada ena qu'eth guanhador a estat er italian Matteo Malucelli, e a on non s'an produsit granes diferéncies entre es ciclistes, Ruben Caseny a entrat ena meta a 9 menutes, en tot estauviar fòrces de cara as dues darrères estapes d'aguesta competicion. Era estapa non a estat tanplan dura coma era anteriora, e açò a permetut que lèu toti es corredors agen entrat en peloton principau.

Aguest dissabte, aurà lòc era 3au estapa, entre es localitat de Nitra e Trnava, d'un totau de 222,1 kms, en tot èster era mès longa deth Tour d'Eslovàquia. Maugrat açò, es darrèri pòrts de montanha se trapen a mès de 70 kms dera arribada. Per tant, se demore que Caseny pogue passar ua jornada mès, en tot contunhar ena sua recuperacion fisica dempús dera quieguda patida en Portugal era darrèra setmana.