Pendent aguest dimars, eth cicliste aranés dera equipa Massi-Kuwait Cycling Project, Ruben Caseny, participarà ena 94au edicion dera Villafranca-Classica d'Ordizia.Ua pròva de 165,7 kms damb gessuda e arribada en Ordizia, e qu'ei inclodida ena categoria 1.1 deth calendari dera UCI Europe Tour. Era equipa de Caseny compdarà damb 8 corredors entà disputar aguesta corsa damb es nauetats des incorporacions de Jorge Ferrer e Oliver Flautt. Ena competicion i auràn equipes WorldTour coma Orica-Scott, Movistar o Bahrain Merida. En totau 17 equipes e 130 ciclistes inscrits. 

Aguesta classica inclodís era pujada a Abaltzisketa (de 3au categoria) que s'aurà de hèr cinc viatges, era darrèra sonque a 10 kms dera arribada. "Demori auer ua bona corsa e contunhar en tot arténher quilomètres enes cames", comente Ruben Caseny abantes de competir.




IMATGE: Entrenament dera equipa Massi-Kuwait Cycling project (Facebook oficiau)