Era Val d’Aran contunhe en tot èster un des emplaçaments escuelhut entà desvolopar espòrt damb es mès petiti. En aguest cas, enquiath 31 de junhsèga, eth Palai d’Espòrts de Vielha acuelh er stage de basquet Camp Movistar by Liga Endesa d’ACB, damb un totau de 44 mainatges arribadi de desparièrs lòcs der Estat. Un stage que servís entà qu’aguesti mainatges, amants d’aguest espòrt, poguen compartir era sua aficion damb d’auti companhs e apréner naui valors.

Ua des actiuetats mès importants que s’amièren a tèrme s’aperaue “Jòc Net”, damb era participacion de diuèrsi arbits dera liga ACB, coma Pere Munar o Juan de Dios Oyón. D’aguesta manèra, es mainatges aprenien era importància dera labor arbitrau e es conseqüéncies que se’n deriven.

Aguest stage a estat important entà qu’aguesti joeni coneishiguen a hons eth mon deth basquet en un entorn privilegiat coma era Val d’Aran, pr’amor que pòden combinar aguest espòrt damb d’autes actiuetats ar aire liure.