Era Plaça dera Glèisa de Vielha a estat testimòni dera concentracion de mès d’un centenat de persones a favor deth dialòg entre es govèrns catalan e espanhòu deuant era dificil situacion que viu Catalonha.

Ad aguesta concentracion an assistit diuèrsi alcaldes e mandataris aranesi, ath delà deth Baile de Lhèida, Àngel Ros.

Aguesta ei era dusau manifestacion q’acuelh Vielha aguesta setmana, dempús dera organizada pes estudiants der institut en còntra dera violéncia viscuda dimenge 1 d’octubre.

Ros a destacat que Catalonha se trape en miei d’ua crisi qu’afècte tant a nivèu economic coma sociau as sòns ciutadans.

Entàs pròplèus dies dejà i an convocades mès manifestacions a nivèu estatau. Per ara, es aranesi s’an mobilizat fòrça entà exigir a ambdús govèrns que cerquen ua solucion ad aguesta problematica qu’afècte a toti.