Eth referendum d'autodeterminacion de Catalonha previst entath pròplèu 1 d'octubre contunhe dant que parlar. 

Aué madeish, eth President e eth Secretari Generau de CDA-PNA, Carlos Barrera e Luis Carlos Medina, respectivament, an hèt arribar a toti es cargues elèctes, militants, simpatizants, seguidors e votants deth partit, un escrit a on les comuniquen era totau libertat d'actuacion dauant era consulta.

"CDA-PNA tostemp a estat, des des sòns origens, un partit plurau, transversau e moderat a on fòrça pensaments, ideologies e inquietuds convergissen" comence eth document.

Des deth partit se mòstre en aguest comunicat eth supòrt ara participacion democratica, mès tanben se mòstre era sua sensibilitat "pes diuèrses corrents de pensament que conviuen laguens dera societat e deth Partit e, per tant, propugnam era participacion e era libertat des persones per dessús de tot". 

Er escrit finalize dant a tota era sua gent "libertat entà hèr çò que considèren oportun en exercici des sòns Drets e Libertats individuaus, fonament dera Democràcia".