Dempús de veir era brutau actuacion policiau en fòrça part de Catalonha pendent era jornada deth referendum d’aguest dimenge 1 d’octobre, era Val d’Aran s’a volut híger ath supòrt a totes aqueres persones qu’an patit bèth tipe d’agression dejà sigue pera Guàrdia Civila o era Policia Nacionau. Ena plaça deth Conselh, mès d’un centenat de persones, a on se i trapauen fòrça politics deth territòri, s’an concentrat deuant deth monument de Lengua Viua entà manifestar eth sòn refús ad aguestes actuacions, qu’an enlordit era imatge d’ua jornada qu’auie d’èster pacifica.

Era Val d’Aran siguec un exemple clar de jornada tranquilla pendent eth referendum, e, per tant, s’an volut solidarizar damb toti es afectats deuant des collègis electoraus. Calerà veir quina magnitud artenh tot çò qu’a passat pendent er 1 d’octobre, e es conseqüéncies politiques que pòt portar.