Era Associacion Catalana de Municipis e Comarques (ACM) ha convocat as representants deth mon locau entath pròplèu 1 de junhsèga entà que mòstren eth sòn supòrt ath referendum catalan der 1 d'octobre. Eth president dera ACM, Miquel Buch, a manifestat que "volem qu'es bailes e bailesses venguen a mostrareth sòn compromís damb era celebracion deth referendum e eth dret a decidir deth pòble catalan. Non volem cotunhar damb es imposicions deth govèrn espanhòu".

Aguest acte aurà lòc entàs 12 ores ena sedença deth Paranimf dera Universitat de Barcelona (Gran Via des Corts Catalanes, 585), justaments eth dia que mancaràn 3 mesi entara celebracion deth mencionat referendum. "Eth mon locau se mobilizarà entà reclamar e balhar supòrt ara democràcia", ahigie Buch.

S'a de remercar, que per ara, er ajuntament de Les ei er unic municipi dera Val d'Aran que s'a ahigit ath Pacte Nacionau peth Referendum.



IMATGE: Miquel Buch, president ACM (quèrra) e Neus Lloveras, presidenta AMI (dreta). Credits: ACM