Eth Plen der Ajuntament de Vielha e Mijarana aprovat es pressupòsti inicials de 2018 damb es vòts a favor der equip de govèrn e Ciutadans, e es vòts en còntra de CDA, que per prumèr còp vòte en còntra d’uns pressupòsti en aguest mandat, allegant era manca d’inversions en municipi.

S’a aprovat tanben era concession administrativa der us privatiu de terrasses qu’afècte, de manèra especiau, a quate terrasses deth cap-lòc aranés que, des d’hè ans gaudien de mès privilègis qu’era rèsta. En aguest cas sonque an votat a favor es representants d’UA, mentre que Ciutadans s’a abstengut e Convergéncia a tornat a votar en còntra.

CDA a metut dessús dera taula tres demanes en aguest plen: era ampliacion de cavòts en cementèri, favorir era mobilitat en Vielha pendent es Hèstes de Nadau e recuperar er skate park entà qu’es joeni que practiquen aguest espòrt agen un espaci a on practicar-lo.