Era Conselhèra Meritxell Borràs signe er acòrd de finançament pendent era Hèsta d'Aran

17/06/2017

Coma cada 17 de junhera Val d’Aran a celebrat era sua tradicionau Hèsta Nacionau damb diuèrsi actes institucionaus. Eth prumèr de toti a estat era signatura der acòrd de finançament entre era Generalitat de Catalonha e eth Conselh Generau, qu’an presidit eth Síndic d’Aran, Carlos Barrera, e era conselhèra de Governacion, Administracions Publiques e Habitatge, Meritxell Borràs.

Pendent era tradicionau passejada des pedons, es dirigents de Convergéncia Democratica Aranesa e Unitat d’Aran an profitat entà parlar sus era necessitat d’activar er usatge sociau der aranés en territòri.

Per ua auta banda, un des temes principaus d’aguesta jornada a estat eth procés independentista e coma afronte era Val d’Aran eth referendum deth pròplèu 1 d’octubre.

Pendent aguesta jornada s’a volgut hèr mencion tanben as tristes pèrtes dera que siguesse Sindica d’Aran, Pilar Busquets, e der istorian Melquíades Calzado, atau coma as desafortunats aiguats que patic eth nòste territòri en an 2013, sonque un dia dempús dera Hèsta d’Aran. Ua esmovent celebracion entà hèr aunor ara cultura, era lengua e era identitat araneses.

Clara Villar