Eth departament de Territòri e Sostenibilitat dera Generalitat de Catalonha se trape en procès de tramitar er auantprojècte dera Lei de Territòri. Eth Conselh Generau d'Arna dejà a presentat diuèrses allegacions ath tèxte en tot cercar eth blindatge des competéncies que dejà son reconeishudes ara institucion e que poderien veder-se menaçades damb era naua nòrma. Er auantprojècte se trape en informacion publica a compdar deth 19 de mai, a on se i pòt trapar era memòria generau e era memòria d'avaloracion der impacte des mesures prepausades. 

Eth Conselh suberven en besonh de reconeishença deth regim especiau dera Val d'Aran en matèria d'organizacion deth territòri e urbanisme. Tanben s'a de velhar peth vigent pla director ubanistic en çò que hè referéncia ath solèr non urbanizable, pr'amor qu'ei eth marc normatiu basicen matèria de planejament urbanístic qu'ei comun en tot eth territòri e que compde damb eth consens de toti es ajuntaments deth país. E, tanben vò que se pogue deféner eth regim etnàs "espacis dubèrti", en çò restacat damb es bòrdes e cabanes, coma envèrs ath tractament deth solèr rustic damb era possibilitat d'implantar naui bastiments, installacions o actiuetats. 

Eth conselhèr de territòri e sostenibilitat, Josep Rull, garantic qu'era naua lei "tierà en compde era diuersitat territoriau, e sonque serà possibla se compde damb eth consens d'un ample sector de Catalonha". Ath delà, Rull ahigie qu'"aguesta lei a d'ester utila entàs municipis petiti, senon non la haram".