Eth Plen deth Conselh Generau d’Aran celebrat en Arròs a aprovat definitiuaments eth pressupòst dera institucion aranesa d’enguan. Fin finau, era chifra aprovada ei de 27,6 milions d’èuros. Un 2% mès qu’en pressupòst der exercici anterior. Ua grana notícia entara Val d’Aran, mès encara manque per obtier eth nau sistèma de finançament. Era manca deth sistèma de finançament pròpi a amiat ara oposicion a abstier-se ena votacion.

Eth punt qu’òc s’a aprovat per unanimitat a estat era mocion presentada per Unitat d’Aran e eth PRAG de supòrt ath sector agropastorau deuant dera grana quantitat d’atacs d’ossi ath bestiar locau.

Era preocupacion en aguest airau aumente cada dia mès, e per açò, s’a acordat aprovar aguesta mocion ara demora de que i age ua responsa avienta per part dera Generalitat de Catalonha.