Eth Conselh Generau d’Aran dejà compde damb un pressupòst barrat entà enguan. Fin finau, era chifra ei de lèu 23,5 milions d’èuros. Un increment de lèu 1,5 milions respècte ar exercici 2016. Aguesta ahèr siguec aprovat pendent era darrèra Comission Bilaterau amiada a terme entre era Generalitat de Catalonha e eth Conselh Generau d’Aran pendent aguesta setmana.

S’a de remercar era transferéncia de 500.000€ ar ampliament der airau quirurgic der Espitau Val d’Aran e d’auti 250.000€ ath finançament ordinari d’aquesta installacion. Atau madeish, tanben s’acordèc era transferéncia de 163.000 € entara milhora de camins, e era gestion der elipòrt plaçat ena boca sud deth tunel de Vielha.

Fin finau, tanben se parlèc sus eth traspàs dera competéncia entà qu’eth Conselh pogue crear federacions esportiues. Un ahèr qu’encara se trape en fasa d’informacion per part des expèrts.