Unitat d’Aran a emetut un comunicat en qu’afirme qu’era Assemblada de Militants dera formacion politica se mòstre contrari ara celebracion deth referendum catalan deth pròplèu 1 d’octobre. Era formacion socialista argumente que non vòlen renonciar a èster damb Catalonha ne damb Espanha, pr’amor qu’ei çò que vòlen era màger part des aranesi.

Unitat d’Aran vò que se respecte era veu pròpia des aranesi e eth hèt de qu’era Val d’Aran ei considerada coma ua realitat nacionau diferenciada laguens de Catalonha.

Atau madeish, laguens dera formacion i a veus discordants coma era deth baile de Les, Emilio Medan, que se manten en ua linha nacionalista e qu’òc qu’apòste pera celebracion deth referendum.

Unitat d’Aran en generau se mòstre dispausat a deféner er status quo existent, en tot reclamar ara Generalitat de Catalonha que i age ua milhora deth finançament dera Val d’Aran entar exercici des sues competéncies.