Era Val d’Aran a tornat a respóner damb exit ara crida dera 2au Jornada de Donacion de Sang que s’a celebrat aguest deluns en Palai d’Espòrts de Vielha coma dejà ei abituau. En aguesta escasença, i a agut un totau de 115 donacions, mès ua vintia d’aufriments de gent que fin finau non a podut donar sang. Ei ua donada mès baisha que pendent es autes dues convocatòries que se hènt ath long der an, mès que se manten damb es chifres obtengudes respècte ar an passat.

Pendent era tardor aurà lòc era 3au e darrèra jornada de donacion de sang, e se harà en format Maraton pendent tot eth dia, entà favorir que i age ua màger preséncia de donants ath long dera jornada e atau ajudar a qui ac a de besonh.

Es òmes pòden donar sang un maxim de 4 viatges ar an. Per tant, maugrat que sonque se convòquen 3 jornades oficiaus, se pòden hèr donacions en quinsevolh moment der an, entà qu’es bancs de sang poguen auer mès resèrves.