Eth Centre d'Enterpreses Innovadores (CEI) Val d'Aran compde dejà damb ua naua incorporacion ena sua sedença: Aran Conectivity, ua enterpresa distribuidoira d'internet de nauta velocitat. 

Gestel ei era enterpresa mairitz, qu'a hèt era inversion economica ena Val d’Aran, entà poder dar cobertura e velocitat as connexions d’internet, damb era idèa de poder provedir empreses, otèls e comèrci aranesi. Era enterpresa ena quau a confiat Gestel ena Val d’Aran ei Aran Conectivity S.L, que serà qui comercialize e installe aguest servici as negòcis, mès tanben a particulars.

Se tracte d'ua enterpresa joena e damb personau qualificat enes naues tecnologies que siguec arrecebuda era setmana passada en CEI Val d'Aran peth Vicesindic, Luis Carlos Medina, que se mostrèc fòrça satisfèt pr'amor qu'aguest nau servici ajudarà a dar responsa a ua des demanes mès importantes en aguesti tempsi: era connexion de nauta velocitat.

Damb aguesta ja son sies es enterpreses relacionades damb eth sector tecnologic e dera comunicacion installades en aguest edifici, plaçat en pòble de Casau.

IMATGE: CONSELH GENERAU D'ARAN