Era Secretaria d'Abitatge e Milhora Urbana deth departament de governacion dera Generalitat de Catalonha a publicat er informe sus eth mercat de loguèr de Catalonha en prumèr trimesadèr. En çò que tanh ara Val d'Aran, s'a produsit ua variacion d'un 10,4%. Un totau de 0,5 punts peth dessús dera mieja catalana. En totau s'an realizat 7 contractes naui de loguèr, de manèra que supause un 46,% mens en tèrmes interannaus. Aguestes donades tanben mèrquen qu'era varicacion trimestrau deth prètz deth loguèr entre deseme de 2016 e març de 2017 a estat 17,7 punts peth dejós. En Catalonha aguesta chifra s'a mantengut en un 0,7%. 

Per tant, es donades globaus placen ara Val d'Aran peth dejós dera mieja catalana, a excepcion dera variacion interannau, qu'ei un shinhau peth dessús. 

Er Informe emplegue coma hònt es donades que provien des fiances dipositades a Incasòl per part des persones qu'arrenden abitatges.