Baqueira-Beret a començat era sason d’iuèrn d’enguan damb chifres istoriques. Ath long d’aguest darrèr pont dera Purissima, era estacion d’esquí arribèc a acuélher mès de 70.000 esquiaires pendent es 5 dies hestius. Aguesta donada, que supause un 55% mès d’esquiaires en comparacion ath madeish periòde der an passat, ven a confirmar, qu’aguesta naua sason, se presente damb fòrça optimisme e damb era intencion de poder èster un des milhors ans dera estacion.

Era estacion ara madeish compde damb un 90% des pistes dubèrtes e toti es telesères en foncionament, Açò a permetut que s’agen podut amiar a tèrme desparières actiuetats ath long deth pònt, coma siguec era Audi Salomon Quest, damb més de 700 participaires.

Ara Baqueira-Beret dejà se trape en trebalhar entà poder auer era estacion ath 100% de cara ara sason de Nadau, quan tot just manquen un parelh de setmanes entà recéber a milers d’esquiaires pendent es 15 dies hestius. Un Nadau en quau serà tanplan complicat trapar lotjament pera nauta demanda.

Era sason d’iuèrn d’enguan arribe damb fòrça nhèu, damb fòrça esquiaires, e damb Baqueira-Beret e eth conjunt dera Val d’Aran prèsti entà recéber eth periòde mès anaut en çò que tanh ara acuelhuda de visitaires.