Societat
Baqueira-Beret barre Pasca damb mès de 83.000 esquiaires
03/04/2024
Es vacances de Pasca an portat ua meteorología cambiant entre nheuades, ploges e dies radiants qu'an sedusit a mès de 83.000 esquiaires qu'an gaudit des enquia 119 km de pistes daurides ena Estacion entre eth dissabte 23 de març e eth deluns 1 d'abriu. Eth darrèr dia d'esquí en Baqueira-Beret serà eth dimenge 7 d'abriu dempús dera celebracion deth hestivau musicau Polar Sound eth diuendres 5 e dissabte 6
Damb uns celhs somadi dempús de 5 dies de nheuades d'enquia 50 cm, era estacion a agut eth sòn tet esquiable enes 119 km deth dia 23 e eth sòn dia mès heired eth dia 27 damb -7ºC ath daurir es remontadèrs. Era nheuada mès potenta en còtes nautes s'a enregistrat justaments eth deluns 1 d'abriu damb uns celhs de 20 cm.
Era Val d'Aran e es Valls d'Àneu an experimentat tota sòrta de fenomèns meteorologics damb nheuades, granizades, tempèstes primaueraus, solei, heired intens e dies d'umiditat damb temperatures benignes. Tot un caleidoscòpi termometric qu'a deishat dus dies de nhèu povàs de plen iuèrn, d'auti dus de qualitat povàs/dur, tres de dura/primauera e tres dies mès de qualitat primauera.
HÒNT: BAQUEIRA-BERET
HÒNT: BAQUEIRA-BERET
Manu Moga