D’aguesta manèra sone eth nau sistèma de megafonia plaçat ath cant des campanes ena glèisa de Bausen. A compdar d’aguest ostiu, er ajuntament a artenhut aguest nau equipament que simule es campanes en tot bandejar. Aguesta actuacion a compdat damb ua dobla subvencion per part dera Deputacion de Lhèida e deth Conselh Generau d’Aran.

Hège mès de 30 ans qu’es campanes de Bausen non mercauen es ores, e per aquerò se decidic aplicar aguest naua sistèma, que permeterà escotar eth sòn tapatge ath long der an.

Fin finau, aguesta intervencion a agut un pressupòst de 3.200€ e se demore qu’ath long der an, cada viatge que i age ua hèsta o celebracion, se pogue gaudir d’ua melodia diferenta. Se mès non, s’artenh que se pogue mercar es ores e es quarts.