Concentracion de supòrt a Jordi Cuixart e Jordi Sànchez

17/10/2017

Es signants deth Manifèst de Les an convocat entad aguesta tarde, tàs 19:00 ores, ua concentracion "de supòrt as presoèrs politics en defensa dera democràcia". Er acte aurà lòc ena Plaça deth Conselh de Vielha. 

Rebrembam qu'ager era jutge dera Audiéncia Nacionau, Carmen Lamela, envièc a preson as líders d'Assamblea Nacionau Catalana (ANC) e Òmnium, Jordi Sànchez e Jordi Cuixart, per un supausat delicte de sedicion.

Era magistrada les considerèc responsables des concentracions des dies 20 e 21 de seteme, deuant de quauques infraestructures catalanes, entà impedir qu'era Guardia Civiu podesse hèr detencions e registres en marc dera sua investigacion.
Clara Villar