Eth Conselhaufrirà, a trauès dera Escòla de Tecnics Esportius dera Val d’Aran (ETEVA), e de manèra gratuïta eth cors "Interpretacion e Educacion Ambientau".

Aguest cors, subvencionat peth Servici d'Aucupacion de Catalonha (SOC), ei compausat per quate mòduls teorics-practics e un de practiques ena enterpresa. Era matricula parciau per moduls ei possible en cas que i agen places disponibles.

Toti es alumnes que finalizen era formacion poderàn sollicitar era expedicion deth corresponent Certificat de Professionalitat. Es requisits entà poder accedir ath cors son: auer eth títol de Bachillerat, equivalent o superior, en cas de non auer-lo s'aurà de superar ua pròva de nivèu, e èster arturat e inscrit enes burèus deth SOC. 

Eth cors "Interpretacion e Educacion Ambientau" començarà en abriu de 2018 e finalizarà en mes d'octubre. Es inscripcions e matricula s'an de formalizar abantes deth dia 22 de noveme, e es places son limitades. 

Se trebalharàn activitats d'orientacion e desvolopament en miei, estructura e dinamica deth miei ambient, programes d'educacion ambientau, e activitats umanes e problematiques ambientaus, ath delà des practiques professionaus.

En cas d'auer de besonh mès informacion vos podetz adreçar a [email protected] o ath 973 64 45 95.