Er ajuntament de Les a dubèrt eth termini entara presentacion de projèctes entara execucion de dues òbres en municipi. D’un biais, vò apariar era captacion d’aigua en parçan de Còth deth Vièr que pòrte fòrça ans sense emplegar-se e qu’ei avalorada en 26.000 èuros. D’aute biais, tanben vò bastir un barratge perimetrau ena finca deth dipòsit d’aigua de Sant Antòni entà esvitar era entrada de bestiar. Ua òbra pressupostada en 7.500 èuros.

Era execucion d’aguestes òbres supòse un pressupòst finau de mès de 33.000 èuros e se demore que pendent er inici der ostiu poguen èster prèstes, pr’amor que s’an de hèr en nauta montanha, abantes de que i comencen a transitar era gent e eth bestiar.