Pendent aguesta setmana, era Val d’Aran a estat er scenari de diuèrses jornades tecniques intèrnes sus Emergéncies Medicaus e Proteccion Civila, a cargue dera enterpresa Habock Aviation Group. Ues jornades enes que s’an dat a conéisher es diuèrsi modèls d’actuacion en Catalonha, Astúries, Valladolid e Pamplona, a on Habock destaque sus tot, pera experiéncia d’èster, ena Val d’Aran, era gestora der elipòrt de Betren.

Aguestes jornades, finalizauen damb un simulacre de rescat de nauta montanha en municipi d’Arres, a on se podec veir un exemple de coma se trebalhe en aguest tipe d’eveniments.

Era Val d’Aran ei un territòri que destaque pera eficiéncia sustot des Pompièrs d’Aran e d’auti còssi que trebalhen conjuntaments enes rescats. Aguestes jornades an servit entà poder certificar era professionalitat d’aguesti trebalhadors.