Era Val d’Aran a barrat un an mès eth pònt dera Purissima de deseme damb ua gran donada de visitaires. Pendent es 5 dies qu’a durat enguan aguest periòde hestiu, era Val d’Aran a arribat a obtier ath tor d’un 85% d’aucupacion otelèra. Ua chifra fòrça mès bona qu’enes ans anteriors, e que supòse era milhor manèra de començar era sason d’iuèrn d’enguan.

Era estacion d’esquí de Baqueira-Beret a estat plia d’esquaires pendent toti es dies deth pònt, en tot certificar era magnífica aucupacion que i a agut en territòri. De cara a Nadau, tot eth sector servicis se trape en foncionament ath 100%, en tot demorar que sigue eth milhor exercici en çò que tanh ara donada de visitaires des darrèri ans.