Es Pompièrs Voluntaris de Pònt de Suert dèishen de prestar servici ara comarca

09/08/2017

Era plantilha de Pompièrs Voluntaris de Pònt de Suert a comunicat que dèishen de prestar servici ara comarca.

Eth còs de pompièrs voluntaris dera localitat vesia dejà portaue temps denonciant era sua manca d’efectius, mancança que les a portat a un afrontament damb era Direccion Generau de Pompièrs de Catalonha, e qu’a acabat damb era renóncia d’aguesti professionaus.

Pendent eth mes de junhsèga e es prumèri dies d’agost eth parc a estat cobèrt per efectius voluntaris. Eth 3 d’agost, en ua amassada damb era Direccion Generau de Pompièrs, se prepausèc entath parc un modèl de foncionament mixte, damb pompièrs voluntaris e foncionaris.

Es Pompièrs Voluntaris acceptèren era prepausa quauqui dies dempús mès, segontes afirmen eri madeishi en un comunicat oficiau, era Direccion Generau dejà auie pres era decision de que, a compdar der 1 de seteme, es pompièrs foncionaris s’harien cargue d’aguest servici de forma exclusiua.

Eth Parc de Pompièrs dera localitat vesia foncionarà a partir d’aguest moment e enquia seteme damb 3 pompièrs foncionaris qu’an vengut de Lhèida entà non deishar sense efectius eth parc. 

Des der Ajuntament de Pònt de Suert se demore qu’era Direccion Generau arribe a un acòrd damb es voluntaris entà qu’aguesti contunhen formant part dera plantilha deth sòn còs de pompièrs.

Ua situacion fòrça complicada entara comarca vesia, qu’ara se ve privada deth còs voluntaris que portaue 34 ans prestant-les un servici tant important entara sua seguretat.

Clara Villar