Des deth Conselh Generau d’Aran se vò aplicar mesures mès restrictives en çò que tanh ara circulacion de camions pera Nacionau 230, non sonque ena Val d’Aran, senon enes accèssi pera província de Lhèida a trauès deth Tunèl de Vielha. Aguesta restriccion implicarie era proïbicion de camions de transpòrt pesat pendent es dimenjades e dies hestius, entà poder compagina’c damb era arribada de torisme. Ua restriccion que ja s’aplique en costat francés.

Aguesta naua prepausa, arribe en un moment important, pr’amor qu’èm as pòrtes de Nadau. Segontes afirme Barrera, era demarcacion de carretères der Estat meterà ath dessús dera taula en pòc temps era sua prepausa de milhora dera Nacionau 230 des d’Aren enquiara Val d’Aran. Aguest projècte estatau prevé ua inversion de mès de 300 milions d’èuros, mentre qu’era prepausa dera Val d’Aran non arribe as 100 milions d’èuros.

Des deth Conselh rebremben qu’era problematica dera Nacionau 230 e era sua seguretat ei un ahèr qu’implique autant a Catalonha coma Aragon, pr’amor que i a fòrça trams que varien de Comunitat Autonòma. Per tant, demanen que i age implicacion entre ambdues administracions entà trapar es solucions avientes.