Fatal accident en Bossòst

18/08/2017

Segontes informen hònts oficiaus deth Servici Catalan de Transit (SCT) ua hemna d'origen brasilian aurie perdut era vida aguesta tarde en un accident automobilistic ena N-230 ara nautada de Bossòst en carril que puge tà Vielha. 

Atau coma afirme SCT es hèts an agut lòc tàs 19:43 menutes d'aué quan, per causes qu'encara s'estan investigant, eth torisme blanc s'a gessut dera via. 

Enquiath lòc der accident s'an desplaçat quate camions de pompièrs, diuèrses patrulhes des Mòssos d'Esquadra e ambulàncies. 

Eth transit a quedat talhat en ambdús sentits pròp d'ua ora mès abantes des 21:00 dejà tornaue a èster restablit.

Ua trista noticia tara Val d'Aran dera qual encara ne desconeishem mès hèts.
Clara Villar