Era poblacion de Bausen viuerà aguest pròplèu dissabte era 3au edicion deth Magràs Cernalhèrs a on s’amiaràn tot tipe d’activitats vinculades as tradicions ancianes d’aguest endret atau coma tot çò qu’a a veir damb er occitan.

En aguest sens, en programa i a projectat un talhèr de percussion a cargue de Jan Sala, a on se trabalharà damb diuèrsi elements d’aguest grop d’instruments, autant coma d’auti creats coma pòt èster ua lhauna. D’un aute costat, tanben s’harà un passavila e se cremarà un pipòt, ua tradicion istorica que se recuperèc hè uns ans e qu’es persones mès granes deth pòble encara a dia d’aué rebremben.

Entà seguir damb era celebracion i aurà polifonies en occitan a on diuèrsi cantants der aute costat dera termièra s’aproparàn entara poblacion de Bausen entà aufrir es cants mès coneishuts d’aguesta lengua que seràn acompanhadi de forma corau pera rèsta de vesins.

Un amàs d’accions que cèrque dinamizar mès eth pòble.

Es activitats començaràn de bon maitin e s’alongaràn enquiara net a on ei previst un sopar popular autant coma ua hèsta musicau.