Prumèra hèsta de Nadau country en Casau deth Jubilat

15/12/2017

Eth Casau deth Jubilat de Vielha a acuelhut era sua prumèra Hèsta de Nadau damb tematica country.

Ua hèsta organizada pera naua junta directiua d’aguest centre, que s’a estreat damb un acte sense precedents en quau es assistents poderen gaudir d’un vrespalh e es tradicionaus balhs country, tot ambientat ar pur estil de Texas.

Aguesta hèsta compdèc damb era collaboracion der Ajuntament de Vielha e Mijaran, que se mostrèc çò de mès satisfèt per exit dera jornada.

Cèrtaments, aguesta hèsta de Nadau amplic eth Casau deth Jubilat de gent de diferentes edats que passèren ua estona fòrça agradabla e divertida, en tot minjar e dançar damb ua molt bona companhia.

Clara Villar